Erjola është një nga banorët e “Big Borther 2” të cilën ne patëm mundësi ta njohim më pak se të tjerët pasi doli e para nga kjo shtëpi. Por gjithsesi ne patëm rastin që të mësojmë disa gjëra të rëndësishme për jetën e saj. Erjola ka një vajzë 5 vjeçe, jeton në Kuçovë dhe me bashkëshortin i cili është emigrant në Greqi, nuk kishte marrdhënie të mira. Nga spektakli u krijua ideja sikur organizatorët i kishin sjellë të shoqin që të ribashkohej me Erjolën dhe gjithçka po rregullohej. Në fakt mësojmë që nuk ndodhi kështu. Erjola e ndodhur përpara kësaj surprize, nuk deshi ta fyente njeriu me të cilin kishte ndarë disa vite jetë dhe kishte një vajzë, kështu që u soll shumë mirë me të. Por pas daljes nga shtëpia e “Big Brother” jeta rifilloi me të gjitha problematikat e saj dhe Erjola u rinda përsëri nga i shoqi. Por na vjen një lajm i mirë, tani Erjola është vendosur në Tiranë në një shtëpi me qera ku jeton vetëm dhe ka filluar punë tek kompania “Yldon”.

Sapo ka mbushur 19 vjeç dhe ka vendosur të ndryshojë. Një bashkëpunim ndryshe, që pritet të sjellë një
Samanta tjetër, nga ajo që keni parë deri tani. Vajza e brishtë dhe melankolike sapo ka përfunduar këto ditë
këngën e saj më të re ndërsa shumë shpejt do fillojë punën për xhirimin e klipit. Bëhet fjalë për një duet në stilin RnB, që mund të quhet dhe eksperimentim i saj në muzikë. Djali që do ta shoqërojë Roy, është autori i
muzikës dhe këngës. Rrëfen vetë pse do të jetë një Samantë ndryshe, dhe ritmi ekzaltues që ka bërë plan të sjellë këtë verë:
Edhe ti si shumë këngëtare të tjera u përfshitë në koncertet e fushatës?
Po bashkë me Rosela Gjylbegun dhe Valon Shehun, ne kemi realizuar një reklamë për fushatën e PD-së. Kam
kënduar në dy koncerte të Jozefina Topallit, por nuk e di pse nuk u përfshimë në koncertet e PD-së në rrethe “Shqipëria po ndryshon”.
Sapo ke përfunduar regjistrimin e këngës më të re. Çfarë të reje sjell në stilin tënd si këngëtare?
Kënga është e rrymës R and B në bashkëpunim me Roy-n. Menduam të vij me këtë rrymë për faktin se i përshtatet stinës së verës, ku kërkohet më shumë ritëm dhe atmosferë. Roy edhe pse është një kompozitor i ri, them se ka krijuar një këngë shumë të bukur me shumë ritëm. Mendoj që këngën ta shoqëroj me një klip, pasi të jep mundësinë e ofertave për koncerte.