 Të bësh dashuri para provimeve? Nuk bën keq, përkundrazi ndihmon përqendrimin dhe mirëqenien psiko-fizike të studentëve që janë në sezonin e provimeve.Sigurisht humbasin orë të çmuara që duhet t’i kalonin në gjumë, por ata që vijnë pas një marrëdhënieje të mirë gjenden më të freskët dhe më të motivuar para komisionit.Seksologia Chiara Simonelli, docente e Psikopatologjisë në universitetin “La Sapienza” të Romës, rrëzon mitin e hershëm të gjërave të ndaluara para provimeve, duke i sugjeruar të gjithë të rinjve që kalojnë çdo minutë në shoqërinë vetëm të librave dhe filxhanëve të kafesë, të shkunden paksa.
“Seksi është shumë i rëndësishëm për të shkarkuar ankthin, lejon të bësh një gjumë më të qetë dhe rrit përqendrimin”- sqaron ajo. Sigurisht, sipas saj, nuk është e thënë që natën para provimit ta kalosh me çdo kusht me një partner. “Seksi ka kuptim vetëm nëse bëhet duke futur në lojë domosdoshëmrisht ndjenjat, sepse nuk është si të shkosh në palestër”- këshillon ajo. Të bësh dashuri, është e këshillueshme, por duke pasur parasysh edhe disa kushte. Asnjëherë në orën 7.30 të mëngjesit, para se të shkosh në provim, por gjatë natës nuk ka asnjë problem. Është tjetër diskutim nëse studenti vuan nga ankthi me tepri, e në këtë mënyrë çdo lloj experience e fortë kthehet në një mendim fiks. Në raste të tilla, sipas studiueses jemi në limitin e patologjisë. Megjithatë këshilla e saj, është që të rinjtë duhet t’i nxjerrin jashtë emocionet, të hanë, flenë, takojnë miqtë dhe madje edhe të bëjnë dashuri, si në jetën e përditshme, ashtu edhe para provimeve.
|
