Homazh për Bergmanin edhe në Tiranë. Në prag të 90 - vjetorit të lindjes, por edhe 1 vjetorit të vdekjes së një prej figurave më të mëdha të kinematografisë botërore, regjisorit suedez Ingmar Bergman, në të gjitha vendet e Evropës, po zhvillohen Ditët e Bergmanit. Në Shqipëri Ditët organizohen nga Ambasada Suedeze dhe Akademia e Filmit dhe Multimedias "Marubi".

Si në të gjithë Evropën, nisin sot në Tiranë, Ditët e Bergmanit. Tre ditë aktivitet në Kinemanë "Marubi", ku do të shfaqen disa nga filmat më të njohur të regjisorit të madh

Homazh për Bergmanin edhe në Tiranë. Në prag të 90 - vjetorit të lindjes, por edhe 1 vjetorit të vdekjes së një prej figurave më të mëdha të kinematografisë botërore, regjisorit suedez Ingmar Bergman, në të gjitha vendet e Evropës, po zhvillohen Ditët e Bergmanit. Në Shqipëri Ditët organizohen nga Ambasada Suedeze dhe Akademia e Filmit dhe Multimedias "Marubi". Do të shfaqen disa nga filmat më të njohur të regjisorit, si dhe intervista e fundit që ai ka dhënë në dhjetor të vitit 2006, vetëm pak muaj përpara se të ndahej nga jeta. "Tirana i bashkohet Ditëve të Bergmanit (Bergman Days) që po zhvillohen në të gjitha kryeqytetet evropiane, me nismën e Ambasadave Suedeze. Është një homazh që i bëhet veprës së tij", - thotë regjisori Kujtim Çashku. Në programin e këtyre ditëve, parashikohet që sot në orën 19.00-21.00 të shfaqet intervista e fundit e mjeshtrit, "Bergman Island", dhënë në vitin 2006. Ndërsa nesër në orën 17.00 do të shfaqen dy filmat "Dreams"("Ëndrrat") dhe "Autumn Sonata" ("Sonata e vjeshtës").

Ditën e shtunë do të shfaqen dy filma të tjerë të regjisorit "To say nothing about this women" ("Të mos thuash asgjë për këtë grua") dhe "Cries and Whispers"("Lotë dhe shpresa"). Filmat e zgjedhur i takojnë periudhave të ndryshme të krijimtarisë së regjisorit, për të dhënë një panoramë të plotë të veprës së tij. Gjatë ditëve të aktivitetit, për të gjithë të pranishmit do të shpërndahet edhe një katalog me fotografi nga veprat më të mira të regjisorit, qofshin këto në kinematografi, apo në teatër, një përmbledhje e jetës dhe e krijimtarisë së tij, nën optikën e pedagoges pranë Departamentit të Studimeve Kinematografike në Universitetin e Stokholmit, Maaret Koskinen. Një botim i Institutit Suedez. Sipas Koskinen, Bergman është padyshim një nga suedezët më të njohur në botë. Ai është konsideruar si një nga kineastët më të famshëm në historinë e kinemasë botërore, ku firmën e tij mbajnë më shumë se 40 filma.

Mes tyre më të njohurit janë "The seventh Seal" ("Vula e shtatë"), "The Silence" ("Heshtja"), "Ëild Straëberries" ("Luleshtrydhet e egra"), "Persona" dhe në veçanti filmi i tij i parafundit "Fany and Alexander". "Në fakt Bergman është një prej atij grupit të vogël të kineastëve,- si Fellini, Antonioni, apo Tarkovsky, - ku rrallë herë mbiemri ka nevojë për emër: "Bergman" është një koncept, një lloj marke në vetvete", - shkruan Koskinen. Ndërsa rendit filmat e tij, ajo shquan se Bergmani ishte një njeri, ku arti dhe jeta janë një. Karriera e Bergmanit si një kineast është unike në tërësinë e saj, nga debutimi i tij me "Crisis" ("Kriza") në vitin 1946 tek "Fanny and Alexander" në vitin 1982. "Çfarë është në të vërtetë unike tek Bergmani dhe që sigurisht e ndihmoi atë të bëhet i njohur në të gjithë botën është aftësia e tij për të përdorur filmin (nga natyra më shumë një industri se sa art) si një formë thellësisht personale e të shprehurit, për të përshkruar probleme ekzistenciale dhe psikologjike", - vijon studiuesja. Që në veprat e para të Bergmanit u dalluan se cilat do të ishin edhe temat e parapëlqyera të tij. Dhe do të ishin pikërisht feja dhe probleme ekzistenciale, që do t'i jepnin më tej famë emrit të tij. Po ai do të shquhej edhe për mënyrën e veçantë të prezantimit të martesës dhe jetës familjare, ndryshe nga ç'ishte paraqitur deri aso kohe.

Paralelisht me karrierën e tij kinematografike, Bergmani punoi gjithashtu në teatër. Si një regjisor teatri ai u shqua për imagjinatën e tij, si në dramat historike, ashtu edhe në ato moderne, të cilat janë ngjitur në skenat suedeze, por edhe jashtë.Nisi karrierën e tij në teatër si një student i ri, për ta vazhduar në fund të jetës së tij, duke drejtuar produksionin e tij të fundit në vitin 2002. Periudha më e suksesshme në teatër është koha kur ai drejtonte Malmo Municipal Theatre ('52-'58), gjatë së cilës ngriti një trupë brilante aktoriale, të famshmin "Ansambli i Bergmanit", të cilin e përdori edhe në filmat e tij. Një periudhë e mbushur me eksperimente, madje edhe në veprat e klasikëve të mëdhenj si Molieri, Gëtja, Ibseni, etj. Më vonë ai do të vihej në krye të Royal Dramatic Theatër në Stokholm, ku vijoi të njëjtën rrugë si në Malmo. Gjatë karrierës së tij, mes teatrit dhe filmit, Bergmani iu kthye edhe të shkruarit, ku u shqua për origjinalitetin e tij. Bergman u nda nga jeta në 20 korrik të vitit 2007. lajmi i vdekjes së tij zuri faqet e para të shtypit në të gjithë botën, që i kushtuan atij analiza dhe komente. Sipas tyre, ai ishte një mjeshtër, një forcë e madhe, që ndryshoi botën e kinemasë përgjithmonë.

Komente

Shto Koment Kerko Komentet

Shkruaj nje Koment
Emri Juaj:
Email(opsional):
Titulli:
	Jepni kodin e sigurise qe shikoni ne imazh.

Powered by !JoomlaComment 3.21

3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved."