Dje në orët e paradites është kërcënuar verbalisht për të kaluar në kërcënim fizik, këngëtarja e mirënjohur Adelina Ismaili nga disa persona te panjohur. Lidhur me këte incident, Ismaili thotë: “Kam qenë duke shkuar nga shtëpia e dajës tim, deri në banesen time. Ndërkohë që po ngisja veturën time, tre vetura më kanë bllokuar rrugën, duke më dhënë shenjë që të ndaloj. Kam dalë për të parë çfarë po ndodh. Në atë moment, nga një veturë janë afruar dy persona dhe më kanë thënë: “Nëse vjen në Zurich, ke për të marrë vesh kush jemi ne!”. 

Ora la pas 10:20 minuta, kur “karvani i argëtimit” braktisi sheshin “Nënë Tereza”. Rrugëtimi i 27 autobusëve përgjatë bulevardit, mëngjesin e së enjtes, ndihej mirë te sytë e njerëzve. Pankartat e mëdha, ngjitur autobusëve tregonin qartë vendmbërritjen. “Po shkojmë te Madona!”. Çdokush do të donte të bëhej pjesë e atyre autobusëve në udhëtimin, Tiranë-Budva. Rreth një mijë vetë, abonentë të “Riniring”, merrnin pjesë në këtë tur aventuresk, të organizuar nga kompania më e re celulare në vend, “Eagle Mobile”. Udhëtimi dukej i gjatë drejt Bud- vës, vendit ku kësaj here, ylli i muzikës pop kishte zgjedhur për të promovuar hitet e albumit të saj më të ri, “Hard candy”, por orët e gjata ia vlejtën.