Për të gjitha vajzat që pëlqejnë Polin, vjen një lajm i mirë, Poli tashmë është vetëm. Ndërsa për ata fansa të programit shumë të ndjekur “Big Brother”, të cilët pëlqyen dhe bekuan lidhjen mes dy protagonistëve shumë simpatikë, Ina dhe Poli, padyshim që ky lajm do t’i hidhërojnë.Gjithçka filloi në kuadrin e një loje. Ai një djalë 22-vjeçar, i cili kishte një lidhje njëvjeçare dhe një të dashur që e priste jashtë shtëpisë, ndërsa ajo një vajzë 24-vjeçare, e cila në biseda të ndryshme tregonte se nuk kishte të dashur për momentin.

Nicolas Cage, i cili luan rolin e një njeriu të lodhur në filmin e ri që po xhirohet, Bangkok Dangerous, ka pranuar të paguajë taksat shtesë dhe penalitetet për qeverinë, pasi për vite me radhë ai kishte fshehur të ardhurat e tij duke paguar më pak taksa.Zyrtarë të tatimeve në Los Angeles thanë se ai duhet të paguajë 666 mijë dollarë plus një interes të paspecifikuar. Rreht një e pesta e kësaj shumë ose 99 mijë dollarë është penalitet për shkak të neglizhencës ose shkeljes së rregullave dhe ligjeve.

Një bebe për Paris Hilton? Gjë që përjashtohet në mënyrë absolute. Trashëgimtarja nuk ka kohë të merret me fëmijë. Nuk është asnjë dyshim për këtë. Gjithë sa lexuat më sipër janë fjalët që ajo i ka thënë me gojën e vet.E intervistuar për këtë argument, Paris i është përgjigjur pyetjes duke konfirmuar:“Një fëmijë? Nuk kam kohë. Jamë shumë e zënë dhe vazhdimisht e përqendruar me punët e mia. Udhëtoj, studioj dhe nuk kam kohë për të menduar për një shtatzëni dhe për të qenë mama. Një ditë do të ndodhë, por nuk e parashikoj në një kohë të afërt”- ka thënë Paris.Me këtë përgjigje ajo i ka përgënjeshtruar të gjithë zërat që qarkullonin pak muaj më parë për ndonjë lajm të mirë. Zëra, që nisën të “ndizeshin” pikërisht pas deklaratës së bërë nga Hilton, e cila tha se ndjente nevojën e një bebeje dhe donte ta kishte brenda dy vjetësh.