Tradhton të dashurin dhe më pas i kërkon të paktën t’i dërgojë një trëndafil.Një mënyrë ndoshta për të thënë më fal. Është ky mesazhi i këngës së së fundit të Zaimina Vasjarit, prezantuar këto ditë me videoklip në një prej ekraneve muzikore shqiptare. “Zarfe trëndafilash” e sjell Zain në një duet paksa të çuditshëm, me një prej këngëtarëve “të dalluar” të rrymave komerciale, të tipit tallava apo regaton. Megjithatë me sa duket kjo është pjesë e ndryshimit, që këtë radhë e ka prekur atë tërësisht. Nuk kemi të bëjmë me një këngë erotike, që mban tekste me lepurushë dhe “Chupa- Chupa”.

Në fakt nuk është këngëtare shumë e njohur në Shqipëri Drenusha Latifi, ish-missi nga Kosova e cila sapo ka filluar rrugën e këngës. Por që kur u ftua tek emisioni “Zonë e lirë” e Arian Çanit, njerëzit e kanë të fiksuar më mirë.

Është një baladë rroku, kënga me të cilën Besa do të jetë këtë vit në Top-fest. Këngëtarja e cila vitin e kaluar nuk mungoi thuajse në asnjë aktivitet muzikor në kryeqytet, duket se edhe këtë vit e ka nisur me projekte konkrete. Prej disa javësh ajo ka qenë në Rumani dhe është kthyer, që andej me këngën e përfunduar.