Këngëtarja kthehet nga pushimet, ndërron krejtësisht look

I ka kaluar për mrekulli këto ditë në bregdet dhe mund të themi që kanë qënë një nga vitet ku ka pushuar më shumë. Në fakt habiteni tani që e shihni por është e vërtetë. Relaksimi i Zajminës vihet re aq mirë sa vajza bukuroshe ka ndërruar totalisht look. Nga bjonde që ishte në fillim, më pas e tërhoqën flokët e kuqe me të cilat qëndroi përreth dy muaj, dhe së fundmi ka zgjedhur ngjyrën e zezë duke u bërë totalisht brune. Por jo vetëm kaq, Zajmina edhe i ka prerë flokët e gjatë. Këto ditë të fundit të Gushtit këngëtarja po i kalon në Vlorë ku dhe ka pushuar për disa ditë me rradhë. Përveçse ka kaluar disa ditë qetësie pranë detit, Zajmina e ka shfrytëzuar këtë periudhë edhe për punë e kryesisht pasditeve ajo ka kënduar në lokalet në bregdet ku dhe ka qenë e ftuar. Siç e shihni edhe nga këto foto të shkrepura nga paparaci ynë, këngëtarja ka kënduar për publikun vlonjat të cilët e kanë pritur me mjaft duartrokitje duke preferuar prej saj edhe më shumë këngë.