Dayana Mendoza, 22 –vjeçarja nga Venezuela është Miss Universe 2008. Vajza me sy të gjelbër, 1,78 cm e gjatë, nga dje mban kurorën e bukurisë, që meritoi në skenën vietnameze në qytetin Nha Trang. Përfaqësuesja shqiptare, Matilda Meçini, nuk arriti të klasifikohej ndër më të bukurat e Universit.Ndërkohë që kosovarja Zana Krasniqi, kanakarja e Fadil Berishës (kujtojmë debatin për përzgjedhjen e saj), qëlloi shumë më me fat. Ajo arriti të renditej në dhjetëshen më të mirë.“Miss Universe 2008” nisi garën me 80 përfaqësuese nga e gjithë bota, që pretendonin të fitonin kurorën më të lakmuar të bukurisë.

Uma Thurman po kalon ditë pushimesh në një jaht luksoz me të fejuarin e saj zyrtar, multimilionerin zviceran.Por syrit të një paparaci nuk i ka shpëtuar një “bark i dyshimtë” i aktores së njohur dhe ka shkrepur menjëherë një fotografi, që gjeti botimin e rrufeshëm në tabloide.Sipas gazetave përflitet një shtatzëni e mundshme e starit të "Pulp Fiction" e "Kill Bill".E përditshmja "Mail"ka publikuar foton e aktores, por me një veshje provokuese, që nuk ka shumë të bëjë me lajmin për “pritjen e ëmbël” të ndonjë bebi.Çifti ka bërë tashmë publik lajmin se do të celebrojnë dasmën në "The Times" muajin e shkuar, pas një feste fejese, që u zhvillua në shtëpinë e tij në Kensington.

Shumë pak mund ta besojnë por, Meryl Streep ka një të shkuar si barbone. Këtë e ka rrëfyer vetë aktorja e intervistuar nga revista britanike “Closer”,d uke lënë të habitur shumë fansë të saj. Gjatë intervistës aktorja me famë ka treguar pa asnjë ndrojë se ka fjetur në një park të Londrës në moshën 20-vjeçare. Kohë kur ajo nuk ka pasur asnjë qindarkë në xhep për të paguar qoftë edhe një dhomë fare të thjeshtë hoteli ose pensioni të rinjsh për të kaluar natën. 

“Në atë kohë për të mbijetuar unë bëja artisten e rrugës dhe jo pak herë ndodhte që akush nuk më linte të holla”- ka treguar stari, duke shtuar se ato kanë qenë mbrëmje që nuk mund t’i harrojë.

Tre fitues ngjiten sonte në skenën e Teatrit D’Annunzio të Peskarës, për të tërhequr çmimet e edicionit të 35-të të Premio Flaiano: Alberto Arbasino, për “L’ingegnere in blu”, Ismail Kadare për “Vajza e Agamemnonit” dhe Alice Munro për “La vista da Castle Rock”. Vetëm njërit prej tyre, një juri me 200 lexues do t’i japë po sonte çmimin Superflaiano 2008.