“Nuk mund të them saktësisht, por sipas disa indikatorëve, mund të ketë intensifikim në prag të mbajtjes së Asamblesë së Përgjithshme të OKB-së. Disa indikatorë të tjerë thonë se shumë shtete presin të shohin se çka po ndodh në këtë sesion të Asamblesë së Përgjithshme të OKB-së, pastaj të vendosin. Por me rëndësi është se asnjë shtet ende nuk ka dhënë shenja që është duke e shqyrtuar vendimin për mosnjohje”, ka thënë Hyseni duke u përgjigjur në pyetjen kur pritet që të ketë përsëri shpërthim njohjesh të pavarësisë.

Ministri Hyseni në këtë intervistë ka hedhur poshtë spekulimet se emërimi i të ngarkuarve me punë në ambasadat e para në vendet që e kanë njohur Kosovën, po vonohen për shkak të mosmarrëveshjeve ndërmjet presidentit Fatmri Sejdiu dhe kryeministrit Hashim Thaçi. Ai premton se edhe kjo punë do të bëhet shumë shpejt.

Ndërkaq i pyetur se kur pritet që Maqedonia dhe Mali i Zi të njohin pavarësinë e Kosovës, Hyseni ka thënë se “u mbetet këtyre dy vendeve të vendosin për kohën e njohjes. Sidoqoftë, ai ka shtuar se, Kosova synon të ndërtojë marrëdhënie të shkëlqyera me Malin e Zi dhe Maqedoninë. /Telegrafi/

Komente

Shto Koment Kerko Komentet

Shkruaj nje Koment
Emri Juaj:
Email(opsional):
Titulli:
	Jepni kodin e sigurise qe shikoni ne imazh.

Powered by !JoomlaComment 3.21

3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved."