|
NATO: Rritet numri i pjesėtarėve tė KFOR-it nė Kosovė |
|
|
|
Sunday, 25 May 2008 |
|
NATO ka njoftuar sot se ka rritur numrin e ushtarëve në Kosovë, duke vërtetuar se të shtunën kanë arritur edhe 200 ushtarë shtesë nga Britania e Madhe.
Aleanca planifikon që numri i tanishëm prej 16.000 ushtarëve në Kosovë të rritet edhe për 600, njofton agjencia gjermane e lajmeve DPA.
Përforcimi do të duhej të arrijë gjatë ditëve të ardhshme në pjesën veriore të qytetit të Mitrovicës, ka thënë zëdhënësi i NATO-s në Prishtinë.
Sipas zëdhënësit të NATO-s, ushtarët do të duhej të qëndronin një muaj, derisa detyrë e tyre do të jetë të ndihmojnë në ruajtjen e sigurisë në Kosovë në prag të 15 qershorit, kur do të futet në fuqi Kushtetuta e Kosovës dhe institucionet kosovare të marrin përgjegjësitë në shtet, ka njoftuar agjencia.
NATO merr pjesë me numrin më të madh të ushtarëve në kuadër të forcave të KFOR-it të cilin e përbëjnë pjesëtarët e 34 vende të botës.
|
