|
Solana: Do tė bisedoj me sekretarin Ban Ki-Moon pėr misionin EULEX |
|
|
|
Monday, 26 May 2008 |
|
Përfaqësuesi i BE-së për Politikë të Jashtme dhe Siguri, Javier Solana ka deklaruar sot në Bruksel se të enjten do të bisedojë me sekretarin e përgjithshëm të KB-së, Ban Ki-Moon, për misionet ndërkombëtare në Kosovë dhe ka shfaqur besimin e tij se, EULEX-i dhe UNMIK-i, për do kohë, do të mund të funksiononin bashkërisht në terren.
Shpresoj se të enjten do të bisedojë me sekretarin e përgjithshëm të KB-së dhe atëherë të shohim se çfarë është qëndrimi i KB-së, ka thënë Solana para takimit të Këshillit të Ministrave në Bruksel, ku do të diskutohet për misionin e EULEX-it në Kosovë.
UNMIK-u gjendet në terren sipas Rezolutës 1244 të Këshillit të Sigurimit të KB-së, mu sikur edhe misioni i EULEX-it, ka thënë Solana, duke shfaqur shpresën e tij se, problemet që sjellin vonimin e vendosjes së misionit të BE-së, do të zgjidhen.
I pyetur nëse pret që UNMIK-u dhe EULEX-i të veprojnë bashkërisht, Solana është përgjigjur se, për do kohë, ashtu do të ndodhë. /Telegrafi/
|
