|
VMRO-DPMNE dhe BDI arrijnė marrėveshje pėr formimin e qeverisė |
|
|
|
Saturday, 05 July 2008 |
|
Dy partitë fituese të zgjedhjeve në Maqedoni, VMRO-DPMNE dhe BDI, kanë arritur marrëveshje për formimin e qeverisë së re. Arritja e marrëveshjes është konfirmuar nga Bashkimi Demokratik për Integrim ndërsa mediat në Maqedoni kanë bërë të ditur se edhe Komiteti Qendror i VMRO-DPMNE i ka dhënë dritë jeshile këtij koalicioni.
Sipas agjencisë INA, BDI do të ketë 4 poste ministrore dhe postin e zëvendës-kryeministrit përgjegjës për implementimin e Marrëveshjes së Ohrit. Ministritë e ndara për BDI, sipas kësaj agjencie janë: Ministria e Shëndetësisë, Ministria e Arsimit, Ministria e Punës Sociale, Ministria e Bujqësisë ose Ministria e Ambientit Jetësor.
Mandatari për formimin e Qeverisë, Nikolla Gruevski bisedimet për Qeverinë e re i ka zhvilluar edhe me PDSH-në e Menduh Thaçit, por në fund është përcaktuar që partner i partisë së tij në Qeveri të jetë BDI-ja e cila edhe është fituese e zgjedhjeve në radhë e shqiptarëve të Maqedonisë.
12 korriku është afati i fundit kur në Kuvend duhet të paraqitet për miratim programi dhe përbërja e re qeveritare. Nëse konkretizohet marrëveshja VMRO-DPMNE dhe BDI do të kenë dy të tretat e deputetëve në Kuvendin e Maqedonisë. /REL/Telegrafi/
|
