|
Tuesday, 22 July 2008 |
|
Presidenti i Zimbabvesë, Robert Mugabe, dhe udhëheqësi i opozitës, Morgan Tsvangirai, kanë nënshkruar një memorandum mirëkuptimi në Harare.
Nënshkrimi i këtij dokumenti pritet t'iu hapë rrugën bisedimeve për të gjetur një zgjidhje për krizën politike pas zgjedhjeve të debatueshme presidenciale.
Marrëveshja përcakton kuadrin e bisedimeve që kanë si objektiv krijimin e një qeverie të re në Zimbabve.
Në një konferencë të përbashkët shtypi në Harare, ku presidenti i Afrikës së Jugut Tabo Mbeki qëndronte në mes të dy rivalëve, Tsvangirai e përshkroi takimin e tij të parë me zotin Mugabe që prej 10 vjetësh si një shans historik.
Nga ana e tij, zoti Mugabe tha se të dyja palët duhet të hynin në negociata si zimbabvianë, jashtë çdo ndikimi nga Evropa apo Amerika.
Ai falenderoi presidentin Mbeki për ndërmjetësimin e kësaj marrëveshjeje, pavarësisht nga kritikat ndërkombëtare. /bbc/
|
