|
Sunday, 04 May 2008 |
|
Sekretarja amerikane e shtetit, Condoleezza Rice, ka filluar një mision të ri në Lindjen e Mesme. Ajo thotë se do t'iu kërkojë si izraelitëve ashtu edhe palestinezëve që të bëjnë më shumë për të hedhur hapa konkretë drejt paqes.
Pas mbërritjes në Jerusalem ajo zhvilloi bisedime me kryeministrin izraelit, Ehud Olmert.
Të dielën Rice do të takohet me ministrin izraelit të Mbrojtjes, Ehud Barak dhe më pas do të shkojë në Bregun Perëndimor për t'u takuar me presidentin palestinez, Mahmoud Abbas.
Duke folur gjatë udhëtimit të saj me avion, Rice tha se të gjithë dëshironin që hapat të ishin më të shpejtë.
"Të gjithë ne, presidenti Abbas, unë, presidenti i Shteteve të Bashkuara, dëshirojmë që gjërat të lëvizin më shpejt. Është kjo arsyeja e vizitave të mia të shpeshta në rajon, që t'i bëjmë thirrje palëve që t'iu përmbahen angazhimeve që kanë marrë. Por duhet të kemi parasysh që po përpiqemi që të zgjidhim një konflikt shumë të vjetër, në të cilin ka çështje sigurie dhe të lëvizjes së njerëzve", tha dr. Rice.
Sekretarja amerikane e shtetit tha se nuk mund të përcaktohet se kur mund të zgjidhen të gjitha gjërat vetëm nga një seri takimesh. /bbc/
|
