Pas ndarjes nga i dashuri këngëtarja vazhdon me aktivitetet e saj në karrierën muzikore. Natën e parë të Vitit të Ri ajo këndoi në një restorant në Kërçovë kurse natën e tretë është paraqitur në Zvicër në një disko së bashku me disa kolegë të tjerë. Pikërisht në fundvit ajo është paraqitur me një këngë të re pas shumë kritikave në adresë të saj për këngë të huazuara. Bëhet fjalë për një paraqitje ekstravagante e cila tashmë e identifikon Gentën. Nga fjalët që shkruhen në internet dhe bazuar në tekstin e këngës, thuhet që kjo këngë i është dedikuar një këngëtareje të estradës.

Modelja australiane Miranda Kerr thotë se ajo nuk është një femër e përkryer. Bukuroshja, e cila është në lidhje me aktorin britanik Orlando Bloom, thotë se trupi i saj ka të metat e veta dhe se ajo punon shumë për ta ruajtur atë në formë. “Askush nuk është i përkryer. Unë kam pjesët e mira, por po ashtu kam ato pjesë për të cilat duhet të punoj, por këto janë në mes meje dhe trajnerit tim personal”. “Mendoj se gjëja më e rëndësishme është që të gjitha femrat të jenë të lumtura dhe të kenë vetëbesim në atë që kanë dhe të mos ndjehen të detyruara të jenë në një mënyrë të caktuar”, ka thënë modelja.