|
Scheffer: Nuk mund tė ketė ndarje territoriale tė Kosovės |
|
|
|
Tuesday, 24 June 2008 |
|
Sekretari i përgjithshëm i NATO-së, Jaap de Hoop Scheffer tha të hënën në Prishtinë se nuk mund të ketë ndarje territoriale të Kosovës.
Ai i bëri këto komente pas takimeve që zhvilloi me udhëheqësit më të lartë vendas e ndërkombëtarë dhe trupat e NATO-s në pjesën veriore të vendit, skenë e kundërshtimeve të ashpra të pjesëtarëve të komunitetit serb ndaj pavarësisë së Kosovës.
Scheffer tha se NATO-ja ka marrë përsipër Krijimin e Forcës së Sigurisë së Kosovës, por kjo sipas tij nuk e dëmton paanshmërinë e trupave të KFOR-it.
Ndryshimi i paralajmëruar i UNMIK-ut i cili ka administruar Kosovën për nëntë vjet me radhë, nuk ka qartësuar deri në fund ndarjen e përgjegjësive në rrafshin e sigurisë dhe ne veçanti në fushën e sundimit të ligjit.
Zoti Jaap de Hoop Scheffer takoi sot edhe drejtuesit e Misionit të Bashkimit Evropian për policinë dhe drejtësinë të njohur me emrin EULEX. /VoA/
|
