ļ»æ
| Alketa Vejsiu nė njė maratonė bamirėsie |
|
|
| Monday, 24 March 2008 | |||||||
 Alketa Vejsiut ka qenë mbrëmjen e djeshme në një maratonë të gjatë bamirësie. Regjisorja Vera Grabocka, nën drejtimin e Alketa Vejsiut e ka nisur emisionin e saj vetëm një javë më parë. Me synimin për të dhënë më shumë dashuri tek ata që kanë nevojë. E ndërsa në ekran janë transmetuar historitë e para, në radhë ishin të tjera histori, të tjera ngjarje njerëzore, që kishin nevojë për dashuri. Megjithatë ngjarja tragjike e Gërdecit, që ka tërhequr vëmendjen e të gjitha formateve televizive, nuk mund të mos ishte pjesë e një emisioni të tillë. Më shumë se kushdo tjetër në këto momente, ata që kanë nevojë për mbështetje dhe dashuri janë fëmijët e Gërdecit. Programi i mbrëmshëm në “Klan” është fokusuar pikërisht në këtë qëllim: “Të ndihmojë fëmijët e prekur nga tragjedia”. Dhe jo vetëm kaq. Synimi i emisionit nuk ka qenë aspak të gjejë shkakun dhe fajtorët e ngjarjes së pa jetuar më parë në Shqipëri, por të përqendrohej tek të mbijetuarit dhe ata që kanë nevoja, jo vetëm ekonomike, por edhe psikologjike. Pjesë e emisionit përmes lidhjes telefonike, janë bërë edhe personazhe të njohur të skenës dhe ekranit, si Valbona Selimllari, Pirro Çako, Eneida Tarifa, Pandi Laço, Devi Muka etj., të cilët janë solidarizuar me dhimbjen e të prekurve nga kjo tragjedi.
Powered by !JoomlaComment 3.21
3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved." |
|||||||
| < I mėparshmi | Tjetri > |
|---|
