Edhe pse viti 2008, ka vetëm disa muaj që ka hyrë, ato kanë mjaftuar për ta cilësuar
Elvana Gjatën, si këngëtaren më seksi. Eshtë ky rezultati i një sondazhi të përvitshë  i realizuar në internet nga revista “Albaniac”. Kështu Elvana Gjata ka marrë votat e publikut duke kaluar shumë nga koleget e saj femra, të cilat gjithsesi duhet të pranojmë se kanë qenë po aq të denja sa ajo në këtë drejtim. Pas motrave Adelina dhe Zanfina Ismajli, Elvana është e treta femër, që votohet nga publiku për imazhin e saj seksi. Dhe po të kemi parasysh ecurinë artistike të Elvanës dhe ndryshimet e saj të vazhdueshme në skenë, duhet të pranojmë, që publiku me të drejtë e ka votuar edhe për hiret femërore. Megjithatë duhet të pranojmë, se fatmirësisht ajo nuk bën pjesë tek ato këngëtare, që dallohen vetëm për bukurinë apo
prezencën seksi. 

Elvana bën pjesë në ato artiste, që duket se i ka dhënë rëndësinë kryesore mënyrës së të kënduarit dhe që spikat për zërin e saj të veçantë dhe potent. Nëse e kujtojmë që nga koha e Etheve? Vërtet Elvana është rritur, jo vetëm në pamje, por edhe artistikisht. Tashmë nuk është më një adoleshente e talentuar, por një artiste seksi, që di të këndojë dhe të bëjë fansat për vete. Dëshmuesi i këtij fakti është edhe ecuria e albumit të fundit të këngëtares “Mamës”, për të cilin thuhet se është pritur mjaft mirë në tregun muzikor shqiptar. Ndërsa vazhdon të menaxhohet nga Florian Mumajesi, Elvana Gjata pritet të jetë në ekranet muzikore edhe me këngë e klipe të reja. Ndërkohë ajo vazhdon të jetë edhe një prej këngëtareve më të paguara të muzikës shqiptare.

Komente

Shto Koment Kerko Komentet

3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved."