Pak minuta pasi kënduan këngët e albumit të fundit, “Good to be bad”. Sikur ta kishin ditur ata, se një këngë e tyre tri minuta kishte qenë shumë më e shpejtë se avioni i tyre privat, s’kishin për ta lënë kaq vonë udhëtimin e tyre në Shqipëri. Me një gotë birrë në dorë, vokalisti David Coverdale i veshur me një këmishë të bardhë, u lëshoi batuta të nxehta fansave të hard-rock-ut nga skena, sikur t’i kishte njohur prej kohësh. Sepse shumë prej tyre mbanin veshur bluza me stampat e “Whitesnake” dhe “Def Leppard”, dhe i këndonin në kor pas tyre, që nga baladat; “Is This love” “Ain’t no love”, për t’u ekzaltuar më pas me “Gimme all your love”, “Love ain’t no stranger” etj. Dhe kjo pas performancës së djemve të Def Leppard. Ata mbushnin 30 vjet. Dhe nëse një fans i çmendur pas tyre, atëherë kur u krijuan do të kishte 20 vjeç tani sigurt, që 50 i ka bërë. Dhe ishte aty.

Organizatorët e “Living Room Show”, promotori që bëri të mundur përfshirjen e grupit në turin e tyre në Shqipëri, ndoshta nuk e kishin menduar se ata që do ta ndiqnin, do të shkriheshin në fushë për tri orë, duke kërcyer e kënduar këngët e tyre. Por shumë nga fansat, që gjetën ishin moshatarë të tyre, që këngët i kishin mësuar fshehurazi, vitet kur Shqipëria ishte e izoluar. Djem me flokë të gjatë, njësoj si legjendari Coverdale, dhe të etur për hard-rrock, u dehën nga “takimi” i parë me legjendarin e rrock-ut. Gjithashtu i mrekulluar nga pritja e shqiptarëve, Coverdale ka kërkuar ndjesë disa herë pse nuk kishte ardhur më parë në Shqipëri. Ai erdhi në Tiranë me Reb e Doug në kitarë, Thimony në tastierë, Chris në bateri e Uriah në kitarë bass, të cilët nuk janë mërzitur së treguari histori organizatorëve të koncertit, deri në orët e para të mëngjesit të së premtes, kur ata do të linin Tiranën, për t’u nisur në një tjetër koncert të turit, i cili përfundon në fundgusht në Evropë e rinis në tetor në Japoni.

Komente

Shto Koment Kerko Komentet

3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved."