|
Vidhet hiri i Kurt Cobain, Courtney ne krizė |
|
|
|
Tuesday, 03 June 2008 |
 Courtney Love s’është e qetë. Pas rikthimit të saj të fuqishëm në skenë, jeta e këngëtares është turbulluar nga një vjedhje shumë e veçantë. Përveç vjedhjes së bizhuterive të çmuara dhe shumë të kushtueshme në vilëne saj në Hollivud, hajdutët i kanë vjedhur edhe hirin e të shoqit që ajo e kishte ruajtur në një çantë të kuqe në formë arushi. “Është një gjë shumë e pështirë dhe në këtë moment dua të vras veten”- ka thënë Love te “News of the world”.Liderja e “Hole” është shumë e dëshpëruar. “Nuk mund ta kisha imagjinuar kurrë që dikush mund të ishte i aftë të me merrte hirin e Kurtit”- ka deklaruar duke treguar se e kishte ruajtur me shumë kujdes sëbashku me një tufë flokësh të liderit të Nirvanës, i cili vrau veten në 1994. Në fakt disa javë më parë minjtë e shtëpisë kanë bërë një kasaphanë të vërtetë në vilën hollivudiane, duke vjedhur c’të mundnin këpucë, veshje, xhevahire dhe lekë. Çanta e kuqe që kishte brenda hirin e trupit të Kurt Cobain nuk është kursyer. “Ishte gjithcka që më kishte mbetur nga im shoq- ka thënë duke qarë Courtney- e merrja gjithmonë me vete kudo që shkoja. Më dukej sikur ishte ende me mua. Tani ndihem sikur ta kem humbur edhe një herë”.Love kishtembajtur vetëm një pjesë të hirit, sepse pjesa tjetër ishte hedhur në një tempull budist në Nju Jork dhe në lumin Uishkah, afër shtëpisë në shtetin e Uashingtonit në të cilin jetonte çifti para vetëvrasjes së këngëtarit.
|
